تۆۋەندىكىسى مەلۇم گانا كىنو فېستىۋالىدا مۇكاپاتقا ئېرىشكەن قىسقا فىلىم «قارا ئۆڭكۈر» بولۇپ، پۈتۈن فىلىم ئۇزۇنلۇقى ئۈچ مىنۇتقا يەتمەيدۇ، پەقەت بىرلا پېرسۇناژ بار، ھېچقانداق دىيالوگ يوق، ئەمما ئىنسان تەبىئىتىدىكى ئاچكۆزلۈكنى تولۇق ئېچىپ تاشلىغان.
ئۇنىڭدا كىشىلەرگە ئاچكۆزلۈكنىڭ نەتىجىسى، يەنى خۇددى قارا ئۆڭكۈرگە چۈشۈپ كەتكەندەك ئۆزىنى تارتالمايدىغانلىقى چوڭقۇر ئاگاھلاندۇرۇلغان.
سۈنئىي ئەقلىي ئىقتىدار خاككېرلىق دەۋرى يېتىپ كېلىش ئالدىدا تۇرماقتا
2021-يىلى 4-ئاينىڭ 15-كۈنى، ئامېرىكا خارۋارد ئۇنۋىرسىتى كېننېدى ئىنۇستىتۇتى بېلفور ئىلىم-پەن ۋە خەلقئارا ئىشلار مەركىزى «يېتىپ كېلىش ئالدىدا تۇرغان سۈنئىي ئەقلىي ئىقتىدار خاككېرلىقى» ناملىق دوكلاتىنى ئېلان قىلدى.
دوكلاتتا مۇنداق دەپ كۆرسىتىلدى: سۈنئىي ئەقلىي ئىقتىدارمەلۇم دەرىجىدە جەمئىيەتكە سەلبىي تەسىر كۆرسىتىدۇ، بۇ ئاساسلىقى مۇنداق ئىككى جەھەتتە ئىپادىلىنىدۇ: بىرىنچى، سۈنئىي ئەقلىي ئىقتىدار سىستېمىسى ئىنسانلارنىڭ بىلىشىگە كاشىلا قىلىدۇ؛ ئىككىنچى، سۈنئىي ئەقلىي ئىقتىدار سىستېمىسى خاككېرغا ئايلىنىپ، جەمئىيەت، ئىقتىساد ۋە سىياسىي سىستېمىدىن يوچۇق ئىزدەيدۇ، ئاندىن مىسلى كۆرۈلمىگەن تېز سۈرئەت، كۆلەم ۋە دائىرە ئارقىلىق بۇ يوچۇقلاردىن پايدىلىنىدۇ.
دوكلاتنىڭ ئاساسلىق كۆز قاراشلىرىدىن ئۈزۈندىلەر تۆۋەندىكىچە:
بىرىنچى، سۈنئىي ئەقلىي ئىقتىدار خاككېر (قەستكار- «ئۇيغۇرچە سۆز ئىزدەپ مۇشۇ سۆزنى مۇۋاپىق كۆردۇم، مۇشۇنداق ئالساق بولامدۇ بىلمىدىم، »)غا ئايلىنىپ، ئىنسانلارنىڭ بىلىشىگە كاشىلا قىلىپ، ئىجتىمائىي، ئىقتىسادىي ۋە سىياسىي سىستېمىنىڭ تەرەققىياتىغا تەسىر كۆرسىتىشى مۇمكىن
ھازىر ۋە بۇنىڭدىن كېيىن كومپيۇتېر ھەممە يەردە مەۋجۇت، ئۇ ئىنسانلار تۇرمۇشىنىڭ ھەرقايسى تەرەپلىرىگە تەسىر كۆرسىتىپ، قەستكارلارنىڭ ھۇجۇمىنى ھەرقانداق جايدا پەيدا قىلىشىغا ئوبدان شارائىت يارىتىپ بېرىدۇ (ھەرقانداق بىر شەيئىنىڭ ئىككى تەرىپى بار، كومپيۇتېر گەرچە جەمئىيەت، تۇرمۇش، خىزمەت ۋە ئىقتىساد، پەن-تەتقىقات ئىشلىرى ئۈچۈن نۇرغۇن قولايلىقلارنى ئېلىپ كەلگەن بولسىمۇ، لېكىن ئۇنىڭ سەلىي تەسىرىدىن ساقلانغىلى بولمايدۇ). ئىقتىساد، جەمئىيەت ۋە سىياسىي سىستېمىنىڭ تەرەققىياتى ئىنسانلارنىڭ توغرا تەدبىر بەلگىلىشىگە تايىنىدۇ، سۈنئىي ئەقلىي ئىقتىدار سىستېمىسى كۆپ خىل ئوخشاش بولمىغان ئۇسۇللار ئارقىلىق ئىنسانلارنىڭ چوڭ مېڭىسىگە تاجاۋۇز قىلىپ، ئىنسانلارنىڭ بىلىشىنى كاشىلىغا ئۇچرىتىشى مۇمكىن. مەسىلەن، ئىجتىمائىي ئالاقە ۋاسىتىلىرىدا ساختا ئۇچۇر تارقىتىش ئارقىلىق ئاممىنىڭ دىققىتىگە كاشىلا قىلىپ، ئاممىنىڭ رېئاللىققا بولغان تونۇشىغا بۇزغۇنچىلىق قىلىش؛ تېررورلۇقنىڭ تەھدىت سالمىقىنى كۆپتۈرۈش ياكى ئاجىزلىتىپ كۆرسىتىش ئارقىلىق، كىشىلەرنىڭ خەۋپ-خەتەرنى باھالاش بىلىش سىستېمىسىغا ھۇجۇم قىلىش قاتارلىقلار.
ئوخشاش بولمىغان سىياسىي، ئىقتىسادىي ۋە ئىجتىمائىي سىستېمىلارنىڭ سۈنئىي ئىدراك قەستكارلىرىنىڭ ھۇجۇمىغا (ئاسان) ئۇچراش دەرىجىسى ئوخشاش بولمايدۇ. كۆپ خىل قائىدىنى ئاساس قىلغان مۇرەككەپ سىستېما ۋە ئىجتىمائىي قائىدىلەرنىڭ چەكلىمىسىدىكى سىستېما تېخىمۇ ئاسان ھۇجۇمغا ئۇچرايدۇ، ئالدىنقىسى ئويلىمىغان ئاقىۋەتلەرنى تېخىمۇ ئاسان پەيدا قىلىدۇ، كېيىنكىسى سىستېمىنىڭ چۈشەندۈرۈش خاراكتېرى تۈپەيلىدىن ئۇنىڭدا تېخىمۇ كۆپ يوچۇق مەۋجۇت بولىدۇ.
ئىككىنچى، سۈنئىي ئەقلىي ئىقتىدار خاككېرلىق ھۇجۇمى ئاساسلىقى غەرەزلىك ۋە غەرەرسىز بولۇشتىن ئىبارەت ئىككى خىل ئەھۋالنى ئۆز ئىچىگە ئالىدۇ
بىرىنچىدىن، سۈنئىي ئەقلىي ئىقتىدار ئىنسانلار تەرىپىدىن قەستەن يامان غەرەزدە مەلۇم سىستېمىغا تاجاۋۇز قىلىشقا ئىشلىتىلىشى مۇمكىن. مەسىلەن، كومپيۇتېر مەشغۇلاتچىسى سۈنئىي ئەقلىي ئىقتىدار سىستېمىسىنى دۇنيا باج قانۇنى ياكى دۇنيا پۇل مۇئامىلە قانۇن-نىزاملىرى بىلەن تەمىنلەپ، ئۇنىڭدىن پايدا ئالىدىغان بىر قاتار قەستكارلىق ھۇجۇم قىلىش ئۇسۇلىنى تېپىپ چىقىشى مۇمكىن. ئىككىنچىدىن، سۈنئىي ئەقلىي ئىقتىدار مەلۇم سىستېمىغا ئۆز ئالدىغا ۋە مەقسەتسىز تاجاۋۇز قىلىشى مۇمكىن. قانداقلا بولسۇن، بۇ ئىككى خىل ئەھۋال ناھايىتى خەتەرلىك، كېيىنكىسى تېخىمۇ خەتەرلىك، چۈنكى ئىنسانلار سىستېمىنىڭ تاجاۋۇزغا ئۇچرىغانلىقىنى مەڭگۈ بىلمەسلىكى مۇمكىن.
ئۈچىنچى، سۈنئىي ئەقلىي ئىقتىدار خاككېرلىرىنىڭ ھۇجۇمى سۈرئىتى تېز، كۆلىمى چوڭ، خەتىرى كۈچلۈك بولۇشتەك ئالاھىدىلىككە ئىگە
سۈنئىي ئەقلىي ئىقتىدار تېخنىكىسى كەلگۈسىدە سۈرئەت، كۆلەم ۋە خەتەردىن ئىبارەت ئۈچ جەھەتتىن، ئىقتىسادىي، ئىجتىمائىي ۋە سىياسىي سىستېمىغا تاجاۋۇز قىلىپ كىرىدىغان خاككېرلىق ھۇجۇمىغا تېخمۇ چوڭ تەسىر كۆرسىتىدۇ. سۈنئىي ئىدراك سىستېمىسى ئادەمگە ئوخشاش ئېتىكا ئەخلاقىنىڭ چەكلىمىسىگە ئۇچرىمايدىغان بولغاچقا، ئىنسانلار پەرەز قىلالمايدىغان ئۇسۇلدا سىستېمىغا تاجاۋۇز قىلىدۇ. ئالدى بىلەن سۈنئىي ئەقلىي ئىقتىدار سىستېمىسى خاككېرلارنىڭ ھۇجۇمىنى كىشىنى ھەيران قالدۇرىدىغان تېز سۈرئەتتە ئېلىپ بېرىش ئىمكانىيىتى بىلەن تەمىنلەيدۇ. بۇ بىر خىل ماھىيەتلىك ئۆزگىرىش بولۇپ، ئىلگىرىكىدەك بىر نەچچە ئاي ياكى بىر نەچچە يىل كېتىدىغان تاجاۋۇزقىلىش جەريانىغا پەقەت بىر نەچچە كۈن، بىر نەچچە سائەت ھەتتا بىر نەچچە سېكۇنت كېتىشى مۇمكىن؛ ئۇنىڭدىن قالسا، يامان غەرەزلىك سۈنئىي ئەقلىي ئىقتىدار سىستېمىسى پايدىلىنىشقا بولىدىغان يوچۇقنى بايقىغان ھامان، ئىنسانلار مۆلچەرلىيەلمەيدىغان كۆلەمدە قەستكارلىق ھۇجۇمى قوزغىيالايدۇ؛ ئەڭ ئاخىرىدا، سۈنئىي ئەقلىي ئىقتىدار سىستېمىسى ئۈزلۈكسىز كېڭىيىۋاتقان يوشۇرۇن دائىرىدە قەستكارلارنىڭ ھۇجۇمىنى تېخىمۇ خەتەرلىك قىلىپ قويىدۇ.
تۆتىنچى، سۈنئىي ئەقلىي ئىقتىدار سىستېمىسىنىڭ مۇرەككەپلىكىنىڭ ئېشىشىغا ئەگىشىپ، ئۇنىڭ چۈشەندۈرۈش خاراكتېرى بارغانسېرى ناچارلىشىدۇ
ھازىرقى زامان سۈنئىي ئەقلىي ئىقتىدار سىستېمىسى ماھىيەتتە بىر قارا قۇتا بولۇپ، سانلىق مەلۇماتلار بىر ئۇچىدىن كىرىپ، بىر تەرەپ قىلىش نەتىجىسى يەنە بىر ئۇچىدىن چىقىدۇ. ئىنسانلارنىڭ مەسىلىنى ھەل قىلىش ئۇسۇلى بىلەن ئوخشىمايدۇ. سۈنئىي ئەقلىي ئىقتىدار سىستېمىسى ئىنسانلارغا قارىغاندا تېخىمۇ كۆپ يولغا قويۇشقا بولىدىغان ھەل قىلىش لايىھەسىنى ئويلىشىدۇ. سۈنئىي ئەقلىي ئىقتىدار سىستېمىسىنىڭ تەدبىرى ئىنسانلارنىڭ چۈشىنىش دائىرىسىدىن ھالقىپ كېتىشى مۇمكىن، مەجبۇرىي چۈشەندۈرۈش تېخىمۇ كۆپ چەكلىمە ئېلىپ كېلىپ، سۈنئىي ئەقلىي ئىقتىدار سىستېمىسى چىقارغان تەدبىرگە تەسىر كۆرسىتىشى مۇمكىن.
2017-يىلى، بىر قىسىم دۆلەتلەرنىڭ دۆلەت مۇداپىئە ئالىي تەتقىقات پىلان ئىدارىلىرى «چۈشەندۈرگىلى بولىدىغان سۈنئىي ئەقلىي ئىقتىدار» تەتقىقات پىلانىنى يولغا قويۇپ، سىستېما ئىقتىدارى بىلەن چۈشەندۈرۈش خاراكتېرى ئوتتۇرىسىدىكى تەڭپۇڭلۇق ئۈستىدە ئىزدەندى. يېقىن كەلگۈسىدە سۈنئىي ئەقلىي ئىقتىدار سىستېمىسىنىڭ مۇرەككەپلىكىنىڭ ئېشىشىغا ئەگىشىپ، ئۇنىڭ چۈشەندۈرۈشچانلىقىمۇ بارغانسېرى ناچارلىشىدۇ.
بەشىنچى، سۈنئىي ئەقلىي ئىقتىدار خاككېرلىق ھۇجۇمىدىن مۇداپىئەلىنىشنى كۈچەيتىش تەدبىرلىرى
ناۋادا سۈنئىي ئەقلىي ئىقتىدار سىستېمىسى تۈرلۈك يۇمشاق دېتال يوچۇقىنى بايقاپ قالسا ھەمدە بۇ يوچۇقلاردىن پايدىلىنىپ يەر شارى مىقياسىدا كومپيۇتېر تورىغا كەڭ كۆلەملىك خاككېرلىق ھۇجۇمى قوزغىسا، ئىنسانلار مىسلى كۆرۈلمىگەن خەتەر ئىچىدە قالىدۇ.
بۇنىڭ ئۈچۈن، دوكلاتتا مۇنداق ئىككى مۇداپىئە تەدبىرى ئوتتۇرىغا قويۇلغان: بىرىنچى، قەستكارلارنىڭ ھۇجۇمىغا تېز، ئۈنۈملۈك تاقابىل تۇرىدىغان ئېلاستىك باشقۇرۇش قۇرۇلمىسىنى ئورنىتىش، مەسىلەن، دۆلەتنىڭ قانۇن-نىزاملىرى ۋە ئىجتىمائىي قائىدە-تۈزۈملىرىگە تۈزىتىش كىرگۈزۈش؛ ئىككىنچى، ئىنسانلار بىلەن سۈنئىي ئەقلىي ئىقتىدار سىستېمىسى ئوتتۇرىسىدىكى ئۆزارا چۈشىنىشنى كۈچەيتىپ، سۈنئىي ئەقلىي ئىقتىدار سىستېمىسىنىڭ ئىنسانلارنىڭ رولىنى ئالغاندا كۆرۈلۈش ئېھتىمالى بولغان تۈرلۈك خەۋپ-خەتەرنى تولۇق چۈشىنىش كېرەك.
#بىلىمدان
#بىلىمزار
ئون يىللىق ئەڭ چوڭ يېڭىلىنىش Windows11
ئىككى ھەپتە ئىلگىرى مىكروسوفت مەھسۇلات ئېلان قىلىش يىغىنى ئېچىپ، يېڭى ئەۋلاد Windows 11 نى رەسمىي ئېلان قىلىندى. ئاشكارىلانغىنىغا ئوخشاش ۋىندوۋس 11 نىڭ كۆرۈنمە يۈز، ئۇسلۇب جەھەتتە زور ئۆزگىرىش بولغاندىن باشقا ئاندرويد ئەپلىرىنى بىۋاستە قوللاش دېگەندەك مۇھىم ئىقتىدارلار قوشۇلدى.
مىكروسوفتنىڭ CEO سى ساتىيا نادېللاننىڭ دېيىشىچە «Windows 11 بولسا ئۆتكەن ئون يىلدىكى Windows نىڭ ئەڭ مۇھىم يېڭىلىنىشلىرىنىڭ بىرى». بۇ 35 يىللىق تارىخقا ئىگە مەشغۇلات سىستېمىسى يېڭىلاندى.
Windows 11 نىڭ ئېلان قىلىندىغانلىقى ھەققىدىكى خەۋەر چىققاندىن كېيىن مىكروسوفتنىڭ پاي چېكى تېز ئۆسۈپ، بازار قىممىتى 2 تىرىليون ئامېرىكا دوللىرىلىق ئۆتكەلدىن بۆسۈپ ئۆتۈپ، ئالمىدىن كېيىنكى بازار قىممىتى 2 تىرىلىيون ئامېرىكا دوللىرىغا يەتكەن ئىككىنجى شىركەت بولۇپ قالدى.
Windows 11 نىڭ سىغىمى Windwos 10 غا قارىغاندا %40 كىچىكلىگەن بولۇپ، تېخىمۇ يىنىك، ئۈنۈمى يۇقىرى.
Windows 11 دىكى يېڭى قوشۇلغان، يېڭىلانغان ئىقتىدارلار.
1. يېڭى لوگو، يېڭى سىنبەلگە
ۋىندوۋس 11 نىڭ لوگوسى ئاددىيلاشتۇرۇلۇپ، سىنبەلگىلىرىمۇ قايتىدىن لايھىلەنگەن.
2. ۋەزىپە ئىستونىنىڭ ئۆزگىرىشى چوڭ. باشلاش تىزىملىكى ئوتتۇرىغا توغىرلىنىپ ئالما macOS قا ئوخشاش قىلىنغان.
باشلاش تىزىملىكىدىكى ماگنىتلىق چاپلىما ئەمەلدىن قالدۇرۇلۇپ، يۇمشاق دېتال ئامبىرى ئىشلىتىلگەن.
ئىزدەش، ۋەزىپە كۆرۈنۈشى قاتارلىقلاردا كارتوچكا شەكلى قوللىنىلغان بولۇپ، ۋەزىپە ئىستونىنىڭ ئۈستىدە لەيلەپ تۇرىدۇ.
3. يۇمىلاق بۇلۇڭ، خىرە ئەينەك ئۈنۈمى ئىشلىتىلگەن.
Windows 11 نىڭ چوڭ-كىچىك كۆزنەكلىرى ۋە كۇنۇپكىلىرىغا يۇمىلاق بۇلۇڭلۇق رامكا ئىشلىتىلگەن.
خىرە ئەينەكنىڭ ئۈنۈمى تېخىمۇ كۆپەيتىلگەن بولۇپ، قاراڭغۇ ھالەتتە سىستېمىنىڭ نەپىسلىك تۇيغۇسى ھەسسىلەپ ئاشىدۇ.
3. Snap Groups
ئىشلەتكۈچىلەر ئىشلىتىۋاتقان يۇمشاق دېتالنى بىر گۇرۇپپا قىلىپ بىرلەشتۈرسە بولىدۇ. بۇ دېتال كۆزنەكلىرى بىرلەشتۈرۈلگەندىن كېيىن، بىرلا ۋاقىتتا كىچىكلەشتۈرۈپ ۋەزىپە ستونىغا يىغىشقا ياكى بىر كۇنۇپكا بىلەن ئەسلىدىكى ئورۇنلاشتۇرۇشنى ئەسلىگە كەلتۈرۈشكە بولىدۇ.
4. مەۋھۇم ئۈستەل يۈزى
ئىشلەتكۈچىلەر بىر قانچە ئۈستەل يۈزى ياساپ، تام قەغىزى، ئۇسلۇب رەڭگى قاتارلىق لايىھەلەرنى ئۆزى بېكىتىپ، ئۆگىنىش، خىزمەت، ئويۇننى ئايرىۋەتسە بولىدۇ. بىر كۇنۇپكا بىلەن مەۋھۇم ئۈستەل يۈزى ئارا يۆتكەلگىلى بولىدۇ.
5. سىرتقى ئېكرانغا ئۇلاش تېخىمۇ دوستانە
Windows11 كومپيۇتېر بىلەن ئېكراننى ئۈزۈۋەتكەندە، ئېكراندىكى پروگراممىلار ئاپتوماتىك ھالدا ۋەزىپە ئىستونىغا كىچىكلىتىلىدۇ. ئىككىسى يەنە بىر قېتىم ئۇلانغاندا، ئەسلىدىكى قىياپىتى ئاپتوماتىك ئەسلىگە كېلىدۇ.
6. ۋىندوۋس نۇسخىسىدىكى FaceTime
مىكروسوفت Microsoft Teams نى Windows 11 نىڭ ۋەزىپە سىتونىغا توپلاشتۇرۋەتتى.
بۇ دېتالنىڭ سىنبەلگىنى چەكسەك، دائىم ئىشلىتىدىغان ئالاقىلاشقۇچىلار كۆرۈنىدۇ، بىر كۇنۇپكا بىلەن ۋىدېئولۇق پاراڭلاشقىلى ياكى ئايرىم پاراڭلىشىش ئۆيى قۇرغىلى بولىدۇ.
ئەلۋەتتە، ئۇچۇر ۋە ھەر خىل ھۆججەتلەرنى يوللىسىمۇ بولىدۇ. قارشى تەرەپ مەيلى قانداق ئۈسكىنە ئىشلەتسۇن، پەقەت Microsoft Teams دېتالىنى چۈشۈرسىلا ئۆز ۋاقتىدا ئالاقە قىلغىلى بولىدۇ.
7. ئەپچە (Widgets)
Windows11 نىڭ ۋەزىپە ئىستونىدا، ئەپچە يېڭىدىن قوشۇلدى. چېكىپ ئاچقاندىن كېيىن، ئېكراننىڭ سول تەرىپىدىن يېرىم ئېكراننى دېگۈدەك ئىگىلىگەن بىر خىرە ئەينەك ئۈنۈمىدىكى كۆزنەك چىقىپ، ھەر خىل ئەپچىلەر كۆرۈنىدۇ.
ئىشلەتكۈچىلەر ئەپچىنىڭ مەزمۇنىنى ئۆزى بېكىتىسە، رەتكە تىزسا بولىدۇ، مىكروسوفت ھېساباتىغا كىرىپ ئىشلىتىشكە توغرا كېلىدۇ.
8. ئېكراننى بۆلۈش مەشغۇلاتى ئەلالاشتۇرۇلدى
Windows 11 كۆزنەكنى كۆپ خىل تىزىلىش شەكلى بىلەن تەمىنلىگەن بولۇپ، مەشغۇلاتى ناھايىتى قولايلىق، كۆزنەكنى ئەڭ چوڭ قىلىش ئايكونىدا مائۇس ئوڭ كۇنۇپكىسىنى چەكسە ياكى نۇر بەلگىسىنى ئۇنىڭ ئۈستۈنكى قەۋىتىگە يۆتكەپ ئازراق توختىتىپ قويسىلا، ئېكران بۆلۈش مېخانىزمىنى قوزغىتىشقا بولىدۇ.
ئېكران ئايرىش ئۇسۇلى ئېكران ئېنىقلىقىنىڭ تەسىرىگە ئۇچرايدۇ. مۇنداقچە ئېيتقاندا، يۇقىرى ئېنىقلىقتىكى ئېكراندىن تېخىمۇ كۆپ خىل ئېكران ئايرىش ئۇسۇلىدىن پايدىلانغىلى بولىدۇ.
بۇ قېتىم سىزىمچان ئېكرانلىق ئۈسكۈنە، تاختا كومپىيۇتېرغا ئالاھىدە ئەھمىيەت بەردى؛ مەھسۇلات ئېلان قىلىش يىغىنىدىمۇ مەخسۇس تونۇشتۇردى.
9. چەكمە كونترول نۇقتىسى چوڭايتىلدى
مەيلى Snap Group بولسۇن ياكى قايتىدىن لايىھەلەنگەن سىنبەلگە ياكى كونترول قىلىش دېتالى بولسۇن، چەكمە كونترول رايونىنىڭ كۆلىمىنى چوڭايتىپ، چېكىش مەشغۇلاتىنى تېخىمۇ قولايلىقلاشتۇرغان.
10. قول ئىشارىتى تېخىمۇ مول
Windows 11 غا Surface سېزىمچان تاختا كومپىيۇتېرنىڭ قول ئىشارىسى كىرگۈزۈلدى. كۆزنەكنى سۆرەش، چوڭايتىش ياكى كىچىكلىتىش، ئېكران بۆلۈش قاتارلىقلار تېخىمۇ ئاددىيلاشتى.
قەلەمدە يېزىش، سىزىش ئۈنۈمى تېخىمۇ ياخشىلاندى، تىتىرەش، ئاۋاز ئۈنۈمى بار.
مەۋھۇم كۇنۇپكا قايتا لايھىلىنىپ، كۆپ خىل ئۇسلۇبقا ئىگە قىلىندى. سىيرىپ كىرگۈزۈشنى قوللايدۇ.
ئۇنىڭدىن باشقا، ئاۋازلىق كىرگۈزۈشنى ئەلالاشتۇردى. ئاۋازلىق كىرگۈزۈشتە يەنە ئاپتوماتىك ھالدا تىنىش بەلگىلىرىنى قويالايدۇ، نۆۋەتتە قايسى تىللارنى قوللايدىغانلىقى ئېنىق ئەمەس.
11. Android ئەپلىرىنى ئىجرا قىلدۇرۇشقا بولىدۇ
Windows 11 دە Intel Bridge تېخنىكىسىنى ئىشلىتىپ، Android ئەپلىرىنى X86 ئۈسكۈنىلىرىدە بىۋاستە ئىشلىتىش ئىمكانىيىتىگە ئىگە قىلدى. (بۇرۇنقىدەك تەقلىدلىگۈچ ئەمەس؛ ئاخبارات ئېلان قىلىش يىغىنىدا مىكروسوفت ئەپ دۇكىنىدىن دوۋيىننىڭ ئاندرويد نۇسخىسىنى چۈشۈرۈپ ئىجرا قىلىپ كۆرسەتتى)
Windows 11 دا ئاندرويد ئەپلىرىنى قوللايدىغان قىلىش، ئېنىقكى مىكروسوفتنىڭ ئالمىنىڭ M1 ئۆزىكى سەپلەنگەن macOS تا iOS ئەپنى ئىجرا قىلىشنى قوللايدىغان بولغانلىقىغا بولغان ئىنكاسىدۇر.
12. مىكروسوفت ئەپ دۇكىنىدىكى ئۆزگىرىش
Windows 11 دىكى مىكروسوفت ئەپ دۇكىنى زور دەرىجىدە ئۆزگەرتىلگەن بولۇپ، ئەپ تۈرى ئىنتايىن مول. Android ئەپلىرى دەپ بىر تۈر يېڭىدىن قوشۇلدى.
ھەر خىل يۇمشاق دېتال، ئەپلەردىن باشقا يەنە ئويۇن، كىنو-فىلىملەرمۇ بار.
يۇمشاق دېتالدىن باشقا مىكروسوفت ئەپ دۇكىنىغا Microsoft Teams、Visual Studio、Disney+、Adobe Creative Cloud、Zoom ،Canva لارنىڭ مۇلازىمىتىمۇ كىرىۋاتىدۇ.
مىكروسوفت ئەپ دۇكىنىدا يەنە بىر تۈرلۈك مۇھىم ئۆزگەرتىش بولۇپ، ئاچقۇچىلارغا نىسبەتەن ئەھمىيىتى بىر قەدەر چوڭ.
ئىجادىيەتچى ۋە ئاچقۇچىلارنى تېخىمۇ كۆپ پايدا ئېلىش پۇرسىتى بىلەن تەمىنلەش ئۈچۈن، مىكروسوفت كىرىمدىن پىرسەنت ئايرىش سىياسىتىنى تەدرىجىي ئىسلاھ قىلىدىغانلىقىنى ئېيتتى.
ئاچقۇچىلار بۇ سودا ئەندىزىسىدە يۇمشاق دېتاللىرىنى مىكروسوفت دۇكىنىغا كىرگۈزۈپ، %100 پايدىسىنى ساقلاپ قالىدۇ، مىكروسوفت ھېچقانداق ھەق ئالمايدۇ. ئەلۋەتتە 85/15 پايدا بويىچە پىرسەنت ئايرىش ئەندىزىسىنى قوللانسىمۇ بولىدۇ، يەنى مىكروسوفت %15 كە ئېرىشىدۇ.
13. ئويۇن جەھەتتىكى يېڭىلىق
ئويۇن ئىزچىل Windows نىڭ ئۇل تېشى. Windows 11 بىر قاتار ئۆتكۈر ئويۇن تېخنىكىسىنى ئېلىپ كېلىپ، PC نىڭ قاتتىق دېتال يوشۇرۇن كۈچىنى تولۇق قويۇپ بەردى.
DirectX12 Ultimate تېخنىكىسى ئويۇن ئوينىغۇچىلارنىڭ يۇقىرى فرام نىسبىتى ھالىتىدە تېخىمۇ چوڭقۇر تەسىراتقا ئىگە قىلىدۇ.
Xbox Series S/X دە قوللىنلغان DirectStorage (بىۋاسىتە ئۇلاپ ساقلاش) تېخنىكىسى ئىشلىتىلدى، ئويۇن CPU دىن ئايلىنىپ ئۆتۈپ، GPU غا بىۋاسىتە كىرگۈزۈلىدۇ، بۇنىڭ بىلەن يۈكلىنىش سۈرئىتى زور دەرىجىدە ئاشۇرۇلىدۇ.
Auto HDR نى يادروسىدىن قوللايدىغان قىلىنىپ، SDR دىنمۇ كەڭ رەڭ دائىرىسى ۋە تېخىمۇ جانلىق رەڭ بىلەن تەمىنلىدى.
Xbox Games Pass ئويۇن مۇشتەرى بولۇش مۇلازىمىتى بىۋاسىتە Windows 11 غا ئورۇنلاشتۇرۇلدى. ئابۇنتلار ھەق تۆلەپ ئېچىپ، بىۋاسىتە PC تېرمىنالىدا Xbox ئويۇن ئامبىرىنى زىيارەت قىلسا بولىدۇ.
Windows 11 نى يېڭىلاش
ۋىندوۋس 10 غا ئوخشاش، Windows 11 مۇ Windows 7، Windows 8 ، Windows 10 لەرنى ھەقسىز ۋىندوۋس 11 گە كۆتۈرۈشكە بولىدۇ.
يېڭىلاشقا بولىدىغان رەسمىي نۇسخىسى بۇ يىل ئاخىرىدا تارقىتىلىدۇ.
قاچىلاشتىكى تەلەپلەر:
بۇ قېتىم 32 بىتلىق ئۈسكۈنىلەردىن تولۇق ۋاز كەچتى.
Windows 11 نىڭ ئەڭ تۆۋەن قاتتىق دېتال تەلىپى:
64 بىتلىق 1Gz لىق CPU
4G لىق ئىچكى ساقلىغۇچ
64G لىق قاتتىق دېسكا، UEFI بىخەتەر قوزغىتىشنى قوللىشى كېرەك.
ئەڭ تۆۋەن بولغاندا 9 دىيۇملۇق، 720p دىن يۇقىرى ئېكران.
#بىلىمدان
#بىلىمزار
