يۈگۈرەمىسىڭىز كېرەك يوق، ئەمما پىيادە مىڭىشنى تاشلىماڭ

 

 يۈگۈرەمىسىڭىز كېرەك يوق، ئەمما پىيادە مىڭىشنى تاشلىماڭ

♡♡♡

ئامېرىكىدا نەشردىن چىققان « پىيادە مېڭىڭ! يۈگۈرمەڭ » دېگەن كىتابتا، ئاپتور سىتامان دوكتور يول پىيادە مېڭىپ بەدەن چېنىقتۇرۇشنىڭ قەدەمنى چوڭ ئېلىشنى، سۈرئەتنىڭ تېزراق بولۇشىنى، بىلەكنىڭ قانۇنىيەتلىك ھەرىكەتلىنىشىنى، باشنى تىك تۇتۇپ كۆكرەكنى چىقىرىشنى تەلەپ قىلىدىغانلىقىنى كۆرسەتكەن.

پىيادە مېڭىپ بەدەن چېنىقتۇرۇشنى ئاددىيلا بەدەننىڭ تۆۋەن قىسمىدىكى ھەرىكەت دەپ ئويلاپ قالماڭ، ھازىر نۇرغۇن تەتقىقاتتا ئىسپاتلىشىچە، قانۇنىيەتنىڭ پىيادە مېڭىش بەدەننىڭ ھەر قايسى قىسىملىرىنى 

 ئۈنۈملۈك ھالدا چېنىقتۇرغىلى بولىدۇ : 

باش قىسىم - مىڭنىڭ ئېندورفىننى قويۇپ بېرىشىنى ئىلگىرى سۈرۈپ، كەيپىياتىنى كۆتۈرىدۇ. 

ئۆپكە قىسىم – ئۆپكە ھەرىكىتىڭىزنى ياخشىلايدۇ، تاماكىغا خۇمار بولغۇچىلارنىڭ تاماكا چېكىش ھەۋىسىنى پەسەيتىدۇ. 

دۈمبە قىسىم - دۈمبە مۇسكۇللىرىنىڭ كۈچىنى كۈچەيتىدۇ، ھەمدە دۈمبە قىسمىنىڭ يارىلىنىشىنى ئازايتىدۇ. 

پۇت قىسىم - مېڭىش بولسا سۆڭەككە كۈچ مەشىقى ئېلىپ بارغانغا تەڭ بولۇپ، پۇت سۆڭىكى ۋە مۇسكۇلىنىڭ كۈچىنى كۆرۈنەرلىك ئاشۇرىدۇ. 

بىر ھەپتىدە ئۈچ سائەتتىن ئارتۇق پىيادە مېڭىپ بەرگەندە، يۈرەك قان تومۇر كېسەللىكلىرى گىرىپتار بولۇش خەۋپىنى % 35 ~ % 40 تۆۋەنلەتكىلى بولىدۇ. 

بىر ھەپتىدە ئۈچ كۈن پىيادە مېڭىپ، ھەر قېتىمدا 45 مىنۇتتىن يۇقىرى ماڭغاندا ياشانغانلار دېۋەڭلىك كېسىلىنى ئالدىنى ئالغىلى بولىدۇ. 

بىر ھەپتىدە يەتتە سائەتتىن يۇقىرى پىيادە مېڭىپ بەرسە، سۈت بېزى راكىغا گىرىپتار بولۇشىنى % 20 تۆۋەنلەتكىلى بولىدۇ، ب تىپلىق دىيابېت كېسىلىگە قارىتا % 50 داۋالاش ئۈنۈمى بار. 

1. پىيادە مېڭىش يۈرەكنىڭ ئىقتىدارىنى ئاشۇرىدۇ، يۈرەكنىڭ ئاستا ھەم كۈچلۈك سوقۇشىغا پايدىسى بار. 

2. پىيادە مېڭىش قان تومۇرلارنىڭ ئېلاستىكلىقىنى ئاشۇرۇپ، قان تومۇرلارنىڭ يېرىلىش ئېھتىماللىقىنى ئازايتىدۇ. 

3. پىيادە مېڭىش مۇسكۇللارنىڭ كۈچىنى ئاشۇرىدۇ، پۇت، بۇلجۇڭ گۆش ۋە سۆڭەكلەرنى كۈچلەندۈرىدۇ،  بوغۇملارنى چاققان يېنىڭ قىلىدۇ، ئادەم بەدىنىدىكى قان ئايلىنىش ۋە ماددا ئالمىشىشنى ئىلگىرى سۈرىدۇ. 

4. پىيادە مېڭىش ھەزىم قىلىش بېزىنىڭ ئاجرىتىپ چىقىرىش ئىقتىدارىنى كۈچەيتىدۇ، قانۇنىيەتلىك ھالدا ئۈچەينىڭ لۆمۈلدەش ھەرىكىتىنى ئىلگىرى سۈرۈپ، ئىشتىھانى ئاچىدۇ. يۇقىرى قان بېسىم، دېئابىت، سېمىزلىك، ئادەت خاراكتېرلىك قەۋزىيەت قاتارلىق كېسەللەرنىڭ ھەممىسىگە ياخشى داۋالاش رول بار. 

5. سىرتقى ساپ ھاۋادا پىيادە مېڭىش چوڭ مېڭىنىڭ تەپەككۇر پائالىيىتىنى ئېنىق، جانلىق قىلىدۇ، چارچاشنى ئۈنۈملۈك ھالدا تۈگىتىدۇ، ئۆگىنىش ۋە خىزمەت ئۈنۈمىنى ئۆستۈرىدۇ. ئالاقىدار مۇتەخەسسىسلەرنىڭ سىناق قىلىشىچە، ھەر ھەپتىدە ئۈچ قېتىم، ھەر قېتىمدا بىر سائەت مېڭىپ بەرگەن ھەمدە بۇنى ئۇدا تۆت ئاي داۋاملاشتۇرغان ئادەم بىلەن ھەرىكەت قىلىشنى ياقتۇرمايدىغان ئادەم بىلەن سېلىشتۇرغاندا، ئالدىنقىسىنىڭ ئىنكاسى ئۆتكۈر بولغان، كۆرۈش سېزىمى ۋە ئەستە تۇتۇش قابىلىيىتى جەھەتتە ئاساسەن ئۈستۈنلۈككە ئىگە بولغان. 

6. پىيادە مېڭىش بولسا بىر خىل جىمجىتلىق ئارىسىدا ھەرىكەت بولغان، ھەرىكەت ئىچىدە جىمجىتلىق بولغان بەدەن چېنىقتۇرۇش ئۇسۇلى بولۇپ، نېرۋا مۇسكۇللىرىنىڭ جىددىيلىكىنى پەسەيتىدۇ. مۇتەخەسسىسلەرنىڭ تەكشۈرۈپ بېكىتىشىچە، تىت-تىت بولغاندا، تەشۋىشلەنگەندە يېنىك قەدەملەر بىلەن 15 مىنۇت ئەتراپىدا سەيلە قىلىپ بەرگەندە، جىددىيلىكىنى پەسەيتىپ، كەيپىياتنى مۇقىملاشتۇرىدۇ. 

7. قەرەللىك پىيادە مېڭىشنى داۋاملاشتۇرۇش يۈرەككە قان يېتىشمەسلىكتىن بولغان كېسەللىك ئالامەتلىرى يوقىتىدۇ ياكى قان بېسىمىنى تۆۋەنلىتىدۇ، بەدەندىكى چارچاشنى تۈگىتىپ، كەيپىياتنى خۇشال 

قىلىدۇ، ئالاقزەدىلىكىنى پەسەيتىدۇ.

8. پىيادە مېڭىش ئارتېرىيە دىۋارىغا ترىگلىتسېرى ( قاندىكى ماي ) ۋە خولېستېرىننىڭ ( قاندىكى مايلىق ئاقسل ) يىغىلىپ قىلىشىنى ئازايتىدۇ، ھەمدە قاندىكى قەنتنىڭ ترىگلىتسېرىدقا ئايلىنىپ كېتىشىنى ئازايتىدۇ . 

9. پىيادە مېڭىش ئادەمنىڭ قورساق قىسمىدىكى ماينىڭ يىغىلىپ قىلىشىنى ئازايتىدۇ، ئادەم بەدىنىنىڭ گۈزەللىكىنى ساقلايدۇ. 

10. پىيادە مېڭىش قان نوكچىسى شەكىللىنىشىنى ئازايتىدۇ، يۈرەك مۇسكۇل تىقىلمىسى بولۇش ئېھتىماللىقىنى ئازايتىدۇ. 

11. پىيادە مېڭىش ھورمۇنلارنىڭ شەكىللىنىشىنى ئازايتىدۇ، ئادرېنالىننىڭ ( بۆرەكنىڭ ئۈستى قىسمىغا جايلاشقان ئىچكى ئاجراتما ئەزا ئاجرىتىپ چىقارغان ھورمۇن ) كۆپ ئاجرىلىپ چىقىشىنى ئازايتىدۇ، زىيادە ئاجرىلىپ چىقىرىلغان ئادرېنال ئارتېرىيە قان تومۇر كېسەللىكلىرىنى كەلتۈرۈپ چىقىرىدۇ. 

12. پىيادە مېڭىش يەنە مۇھىتنى قوغداش، كېرەكسىز گازنىڭ بۇلغىشىنى تۈگىتىش، بەدەن كۈچلەندۈرۈش، بەدەننىڭ ئىممۇنىتېت كۈچىنى ئاشۇرۇش، كېسەللىكلەرنى ئازايتىپ ئۆمۈرنى 

ئۇزارتىش قاتارلىق رولى بار.

#بىلىمدان