«ئالما» دىن يېڭىلىق كەلدى

ئالما شىركىتى تۆنۈگۈن كەچتە يېڭى ئەۋلاد iPad Pro ئېلان قىلدى.
بۇ تارىختىن بۇيانقى ئەڭ ئىلغار، شۇنداقلا كومپىيۇتېرغا ئەڭ ئوخشايدىغان ئايپەد


ئالدىنقى ئەۋلاد iPad Pro ئېلان قىلىنىپ ئىككى يىلدىن كېيىنكى مەھسۇلات بولۇش سۈپىتى بىلەن، بۇ يىل يېڭى iPad نىڭ بىر تەرەپ قىلغۇچنىڭ دەرىجىسىنى ئۆستۈرگەندىن باشقا، يەنە iPhone 11 نىڭ ئادەتتىن تاشقىرى كەڭ بۇلۇڭلۇق كامېراسىنى سەپلىگەن. يېڭىدىن قوشۇلغان سېزىمچان تاختا iPad نى يېنىدا ئېلىپ يۈرىدىغان كومپيۇتېرغا تېخىمۇ يېقىنلاشتۇردى. 
تاشقى كۆرۈنۈش جەھەتتە ئالدىنقى ئەۋلاد بىلەن ئوخشاش بولۇپ، ئالدىدىن قارىغاندا ئىككىسىنى پەرقلەندۈرۈش تەس.
يېڭى iPad Pro  داۋاملىق 11 دىيۇم ۋە 12.9 دىيۇملۇق چوڭلۇقنى ساقلاپ قالغان. رەڭگى ئاق ۋە قارا ئىككى خىل.
ئېكرانغا  Liquid كۆرۈش تور پەردىسى ئېكرانى سەپلىگەن بولۇپ، PPI قىممىتى 264 كە يىتىدۇ، ئەڭ يۇقىرى يورۇقلۇق دەرىجىسى 600 نېت، ئېكران يېڭىلاش چاستوتىسى 120Hz ، سىستېمىسىدا ProMotion تېخنىكىسى ئىشلىتىلگەن بولۇپ، مۇھىتقا ئاساسەن ئاپتوماتىك تەڭشەپ، توكىنىڭ 10 سائەت يىتىشگە كاپالەتلىك قىلغان. 

بۇ ئايپەدكە 64 بىتلىق A12Z بىئونىك ئۆزەك ۋە M12 بىر تەرەپ قىلغۇچنى يەرلىك SoC بىرىكمىسى قىلىپ ئىشلەتكەن.
شۇنىڭ بىلەن بىر ۋاقىتتا ، 8 يادرولۇق گرافىك بىر تەرەپ قىلغۇچ قوشۇلغان بولۇپ، يېڭى iPad Pro نى 4K لىق سىن تەھرىرلەش ، 3D گرافىك لايىھىلەش ، AR ئىقتىدارى ۋە كەلگۈسىدىكى كەسپىي سەۋىيىلىك پروگرامما مەشغۇلاتىدا تېخىمۇ ياخشى ئۈنۈمگە ئېرىشتۈرەلەيدۇ.
تور جەھەتتە ، يېڭى iPad Pro نىڭ ئۇلىنىش سۈرئىتى  %60 كە يېقىن ئاشقان ، گەرچە Sim كارتا سېلىندىغان كۆچمە نۇسخىسى پەقەت 4G تورىنىلا قوللىسىمۇ، ئەمما ئۇ تېخىمۇ كۆپ چاستوتا بۆلىكىنى قوللايدۇ. ئىسسىقلىق تارقىتىش مىقدارى تېخىمۇ تۆۋەن بولغان رامكا ئىشلەتكەن.
بۇ سەپلىمە بىلەن يېڭى iPad Pro خېلى كۆپ خاتىرە كومپىيۇتېرنى كەينىگە تاشلىۋېتىدۇ.
بۇ تەپسىلاتلار يېڭى iPad Pro نى كومپىيۇتېرغا تېخىمۇ ئوخشىتىدۇ.
يېڭى iPad Pro كەسپىي ئېھتىياجىغا ماسلاشقاندىن باشقا، بىز بىۋاستە كۆرەلمەيدىغان كىچىك ھالقىلار ئۇنى تېخىمۇ كەسپىي قىلىۋەتتى. مەسىلەن: مىكروفون

يېڭى iPad Pro دا 5 مىكرافون سەپلەنگەن.  ئىلگىرى بۇ 5 مىكرافوننىڭ ئانچە چوڭ رولى يوقتەك بىلىنەتتى، يانفۇندا ئۈنگە ئالىدىغان ئېھتىياج ئەسلىدىلا ئاز، iPad ئارقىلىق ئۈنگە ئېلىشنى دېمەيلا قويايلى. 
ھالبۇكى، ئۆيدە ئىش بېجىرگەندىن كېيىن، بارغانسېرى مىكروفوننىڭ ئاۋاز ئېلىش ئىقتىدارىنىڭ مۇھىملىقى بىلىنىدۇ، مەسىلەن، تور يىغىنى، توردا دەرس ئۆتۈشكە تېخىمۇ ئېنىق ئاۋاز لازىم بولىدۇ. ۋىدېئوغا ئاۋاز بەرگەندە تېخىمۇ ستېرېئولۇق، تىنچ ئاۋاز ئېلىش ئۈنۈمى بولۇشى كېرەك، بەش مىكروفون بۇ ئېھتىياج ئۈچۈن تەييارلانغان. 
ئالما شىركىتىنىڭ تونۇشتۇرىشىچە، بىر بۆلەك سىن ئېلىش ئۈچۈن فوتو ئاپپارات ۋە ئۈن ئېلىش قورالى تەييارلاشنىڭ ھاجىتى يوق، پەقەت بىر دانە iPad Pro بولسىلا، سۈرەتكە ئېلىش ۋە ئۈن ئېلىشتىن ئىبارەت ئىككى خىل ئېھتىياجنىڭ ھۆددىسىدىن چىقىدۇ.

دائىم iPad تا خەت باسىدىغانلارغا نىسبەتەن، بۇ قېتىم يېڭىلانغان كۇنۇپكا تاختىسى يارقىن نۇقتا.  ئالمىنىڭ بۇ يېڭى iPad كە «كومپىيۇتېر» دەپ ئېنىقلىما بېرىشنىڭ يەنە بىر سەۋەبى شۇ.
ئالما ئاخىرى Mac كونترول كۇنۇپكا تاختىسىنى iPad قا ئىشلەتتى، بۇنىڭ بىلەن خەت بېسىش، تېزلەتمە كۇنۇپكا جەھەتتىكى ئاۋارىچىلىقلار ھەل بولدى.
ئۇنىڭدىن باشقا يېڭىدىن سىزىمچان كونترول تاختىسى قوشۇلدى
گەرچە بۇ سېزىمچان تاختا ئانچە چوڭ بولمىسىمۇ، iPad Pro ئىشلەتكۈچىلەرنى بارمىقى بىلەن Excel جەدۋىلىنى بېسىش ئاۋارىچىلىقىدىن خالاس قىلىدۇ. ئالما شىركىتى يەنە iOS13.4 نىڭ iPad OS سىستېمىسىدا سېزىمچان تاختىلىق نۇر بەلگە، قول ئىشارىتى ئارقىلىق كونترول قىلىشنى كۆپەيتىپ، MacBook نىڭ مەشغۇلاتىغا تېخىمۇ يېقىنلاشتۇرغان.  

كۇنۇپكا تاختىسىنىڭ ئايلىنىش ئوقىغا بىرUSB-C ئۇلاش ئېغىزى قوشۇلغان، بۇ ئۇلاش ئېغىزىنىڭ رولى بولسا، iPad Pro باشقا ئۈسكۈنىلەرنى ئۇلىغاندا، توك بىلەن تەمىنلەيدۇ، مەسىلەن، جىددىي ۋاقىتتا iPhone غا توك قاچىلايدۇ.

كامېرا جەھەتتە 12 مىليون پىكسېللىق ئاساسىي كامېرادىن باشقا يەنە بىر 10 مىليون پىكسېللىق كەڭ بۇلۇڭلۇق كامېرا قوشۇلغان. 
ئىككى كامېرانىڭ يېنىدا بىر يوشۇرۇن سېنزور بار. بۇ سېنزور لازېر نۇرلۇق رادار (LiDAR) سىكانېرى؛ بۇ لازىر نۇرلۇق رادار سىكانىر iPad Pro نىڭ AR ئۆلچەش-سىزىش ئېنىقلىق دەرىجىسىنى ئاشۇرۇشتىكى مۇھىم ھالقىلارنىڭ بىرى. 
بۇ لازىر نۇرلۇق رادار سكاننېرنىڭ خىزمەت پىرىنسىپى dToF نىڭ ئۇچۇش ۋاقتى پىرىنسىپى ئارقىلىق ئۆلچەپ سىزىدۇ، قايتىپ كەلگەن نۇرنى ھىساپلاش ئارقىلىق، سكاننېر ئالدىدىكى جىسىمنىڭ سانلىق مەلۇماتىغا ئېرىشىپ، جىسىمنىڭ 3D مودېلىنى ھاسىللاپ، AR كۆرۈنۈشنى ئابونتلارنىڭ ئالدىدا نامايەن قىلىدۇ. 
بۇمۇ ئالما شىركىتىنىڭ كەلگۈسى 1-2 يىلدىكى تەرەققىيات ئېھتىياجىغا قىلغان تەييارلىقى.

ئالما شىركىتى ئالدىنقى قېتىم ئايپەدنىڭ سىستىمىسنىڭ نامىنى iPad OS قا ئۆزگەرتكەندىن باشلاپ تورغا چىقىش، كۆڭۈل ئېچىشنى ئاساس قىلغان iPad مەھسۇلاتىنى ئىشلەپچىقىرىش قورالىغا ئايلاندۇرۇشنى پىلانلىغان. بۇ نۇقتا بۇ يېڭى ئايپەدتە تېىخىمۇ ئىپادىلەندى. قوش كامېرا، بەش مىكروفون ئۈن-سىن ئېلىش ئېھتىياجىنى قاندۇرىدۇ؛ A12Z نىڭ كۈچەيتىلگەن گىرافىك بىر تەرەپ قىلىش ئىقتىدارى  4K فىلىم ئىشلەش، لايىھەلەش ئىشلىرىنى تېخىمۇ قولايلىق قىلىدۇ. لازىر نۇرلۇق رادار سكاننېر AR ، چوڭ تىپتىكى ئويۇن، 3D لايىھەنى يەنە بىر بالداق يۇقىرى كۆتۈرىدۇ. چەكمە كونترول كۇنۇپكا تاختىسى ئىشخانا ئىشلىرىدا باشقا كومپىيۇتېرغا ھاجەت قىلمايدۇ.

بۇ يېڭى ئايپەدنىڭ 64GB سىغىمدىكىسى ئەمەلدىن قالدۇرۇلغان؛ ئەڭ چوڭ سىغىمدىكىسى 1TB

 

11 دىيۇملۇق  iPad Pro نىڭ باھاسى:
128GB سىغىملىق WiFi نۇسخىسى 880 دوللار، WiFi+ 4G نۇسخىسى 1050 دوللار
256GB سىغىملىق WiFi نۇسخىسى 990 دوللار، WiFi+ 4G نۇسخىسى 1160 دوللار
512GB سىغىملىق WiFi نۇسخىسى 1200 دوللار، WiFi+ 4G نۇسخىسى 1380 دوللار
1TB سىغىملىق WiFi نۇسخىسى 1400 دوللار، WiFi+ 4G نۇسخىسى 1600دوللار

12.9 دىيۇملۇق  iPad Pro نىڭ باھاسى:
128GB سىغىملىق WiFi نۇسخىسى 1111 دوللار، WiFi+ 4G نۇسخىسى 1280 دوللار
256GB سىغىملىق WiFi نۇسخىسى 1220 دوللار، WiFi+ 4G نۇسخىسى 1399 دوللار
512GB سىغىملىق WiFi نۇسخىسى 1449 دوللار، WiFi+ 4G نۇسخىسى 1600 دوللار
1TB سىغىملىق WiFi نۇسخىسى 1680 دوللار، WiFi+ 4G نۇسخىسى 1849 دوللار

چەكمە كونترول كۇنۇپكا تاختىسىنىڭ 11 دىيۇملۇقى 339 دوللار، 12.9 دىيۇملۇقى 380 دوللار.

#بىلىمدان   #بىلىمزار