بەدەندىكى ھەرقايسى ئەزالارنىڭ ئەشەددى دۈشمەنلىرى ئېلان قىلىندى

بەدەندىكى ھەرقايسى ئەزالارنىڭ ئەشەددى دۈشمەنلىرى ئېلان قىلىندى

بىزنىڭ بەدىنىمىز بولسا بىر ئورگانىك گەۋدە ، ھەر بىر « ئەزالار » لار نورمال خىزمەت قىلغاندىلا ئادەم بەدىنىنىڭ ساغلاملىقىغا كاپالەتلىك قىلغىلى بولىدۇ ، ھەرقانداق بىر « ئەزادىن » مەسىلە چىقسا ھەممىسى جانغا زامىن بولۇشى مۇمكىن.

قان تۇمۇر، يۈرەك، ئاشقازان، ئۆپكە، بۆرەك، جىگەر، ئۈچەي، بۇرۇن، كۆز، ئۇلار زىيانكەشلىككە ئۇچرىسا ، ساغلاملىققا بىر نېمە دېيىش قىيىن. ئۇلارنىڭ « ئەجەللىك قاتىل » ى يەنە كېلىپ سىزنىڭ يېنىڭىزدا !

1-  يۈرەك تۇزدىن قورقىدۇ

تۇز تەركىبى زىيادە كۆپ بولسا ، يۈرەكنىڭ يۈكىنى ئېغىرلاشتۇرۇۋېتىدۇ

شۇڭا يۈرەك ئىقتىدارى ناچار كىشىلەر ، تۇزلۇق تائام يېگەندە بىئاراملىق ھېس قىلىدۇ. بولۇپمۇ كېسەلگە گىرىپتار بولغان بىمارلار ، تۇزنىڭ قوبۇل قىلىنىشىنى كونتىرول قىلىشتىن باشقا يەنە سۇ قوبۇل قىلىش كېرەك.

ئاش تۇزىدىن باشقا يەنە تېتىتقۇلار  تەركىبىدە تۇز بار ،  كۆپ مىقدارى ئىستېمال قىلىنغاندا ، تۇز ئىستېمال قىلىش مىقدارى ئۆلچەمدىن ئېشىپ كېتىشنى كەلتۈرۈپ چىقىرىدۇ .

 تەكلىپ:

1. بىر كۈنلۈك تۇز ئىستېمال مىقدارى 6 گىرامدىن ئېشىپ كەتمەسلىك ، بىر پىۋا ئاغزىغا باراۋەر.

2.تۆۋەن ناترىيلىق تۇزنى ئىشلىتىش ئەڭ ياخشى تاللاش ، تۆۋەن ناترىيلىق تۇزدىن 20 پىرسەنت ناترىي خلورىدنى ئېلىۋېتىپ  كالىي خلورىد ئىشلەتكەن ، ناترىي ئىئونىنى ئازايتىپلا قالماستىن ، يۇقىرى قان بېسىمغا گىرىپتار بولۇش خەۋپىمۇ تۆۋەنلەيدۇ ، ئۇنىڭ ئۈستىگە كالىي ئىئونىنىڭ قان بېسىمنى تۆۋەنلىتىشكە ھەم ياردىمى بار.

3. ئەگەر قورۇمىنى بەك تۇزلۇق يىگەندە ، قايناقسۇنى كۆپرەك ئىچىشنى ئۇنتۇپ قالماڭ .

2- ئاشقازان سوغۇقتىن قورقىدۇ

ئاشقازاننى سوغۇق قاپلاپ كەتكەندە ، قىسقىرىپ سېپازمىلىنىشنى كەلتۈرۈپ چىقىرىپ، سانجىق پەيدا بولىدۇ

ئاشقازان نىسبەتەن ئېيتقاندا ، « سوغۇق » نى قوبۇل قىلىشى ئەڭ تەس ، ئەگەر ئاشقازان سوغۇق ئېقىمنىڭ ياكى سوغۇق يېمەكلىكلەرنىڭ غىدىقلىشىغا ئۇچرىغاندا ، ئاسانلا قىسقىرىپ ، ئاشقازان مۇجۇپ ئاغرىپ ، ئىچى سۈرۈش كېلىپ چىقىدۇ. ئاشقازان ، ئۈچەي كېسەللىكى بولغان كىشىلەر ، ئاشقازان - ئۈچەي بىئارام بولۇۋاتقانلىقىنى ھېس قىلغاندا ، قىززىق گىرىلكىدا ئىسسىق ئۆتكۈزگەندە راھەتلىنىپ قالىدىغانلىقىنى بىلىدۇ.

سوغۇق نەرسە ئاشقازاننى بىئارام قىلىدۇ، چۈنكى سوغۇقتا ئاشقازان - ئۈچەيدىكى قان تومۇرلار قىسقىرىپ ، يېمەكلىكنىڭ ھەزىم قىلىش يولى شىللىق پەردىسى ئارقىلىق قانغا ئۆتۈشىگە تەسىر قىلىدۇ.

ئاشقازان ئاغرىش، قورساق قىسمى بىئارام بولۇش، ھەزىم قىلىش ئىقتىدارى چىكىنگەنلىكتىن ، بۇ چاغدا خام ، سوغۇق يېمەكلىكلەرنى يېگەندە ئاشقازاننىڭ بىئارام بولىشىنى ئېغىرلاشتۇرىۋېتىدۇ.

 تەكلىپ:

1. توڭلاتقۇدىن ئەمدىلا ئالغان يېمەكلىكلەر بىۋاسىتە يېمەسلىك ، قىزدۇرۇش ئارقىلىق ياكى سەل قويۇپ ئەسلىگە كەلگەندە يېيىش كېرەك.

2. ئادەتتە بېلىق بېشى، قوي گۆشى شورپىسى ئارقىلىق ئاشقازاننى ئاسرىسا بولىدۇ.

3. بۇلارنىڭ تەركىبىدە ئاقسىل ، كالتسىي، فوسفور،  كالىي قاتارلىق تەركىبلەر مول بولۇپ ، ئاساسەن تالنى ساغلاملاشتۇرۇش ، تۈگۈنلەرنى تارقىتىش ، بەلغەم بوشتىش ، يەنە يىلىكنى كۆپەيتىش قاتارلىق ئۈنۈمى بار.

بۇنىڭغا گۆش قوشقاندا ، شۇنداقلا كۈتۈنۈشتىكى ياخشى يېمەكلىك بولۇپ ، تالنى ساغلاملاشتۇرۇپ ، ئاشقازاننى ئىللىتىش رولى ئىگە .

3- بۆرەك گۆشتىن قورقىدۇ

ئاقسىل مىقدارىنىڭ ئېشىپ كېتىشىدىن ، بۆرەككە ھارغىنلىق يېتىدۇ

دائىم مېھماندارچىلىقتا ، بېلىق ۋە گۆشنى كۆپ يېيىشتىن ، ئاسانلا ئاقسىل قوبۇل قىلىش مىقدارى ئۆلچەمدىن ئېشىپ كېتىشنى كەلتۈرۈپ چىقىرىدۇ. ئۇزاق مۇددەت يۇقىرى ئاقسىل قوبۇل قىلىنسا بۆرەكنىڭ بېسىمىنى ئاشۇرۇۋېتىدۇ ، ھەتتا ، ئۇزاق مۇددەت بۆرەكنىڭ يۈكى « نورمىدىن ئارتۇق بېسىم » ھالىتىدە تۇرىدۇ. ئاقسىل تۇخۇم بىلەنلا چەكلىنىپ قالماستىن ، يەنە كالا سۈتى، تۈرلۈك گۆش تۈرى ، دېڭىز مەھسۇلاتلىرى ۋە پۇرچاق تۈرىدىكىلەر تەركىبىدە ئاقسىل بار. سىز يۇقىرى ئاقسىللىق يېمەكلىكلەرنى ئىستېمال قىلىشقا بېرىلىپ ، يەنە قارىغۇلارچە ئاقسىل مىقدارى يۇقىرى ئوزۇقلۇقلارنى قوبۇل قىلغاندا ، بۆرەكنى ھاردۇرۇپ قويۇشتىن ئېھتىيات قىلىڭ .

 تەكلىپ:

1. قۇرامىغا يەتكەنلەر كۈنىگە 60 گىرام 80 گرام ئاقسىل قوبۇل قىلسا ، ئېھتىياجنى قاندۇرۇشقا بولىدۇ.

2. ئادەتتە ھەر يېرىم كىلو قوي گۆشى تەركىبىدە 84.5 گرام ، كالا گۆشى تەركىبىدە 100.5 گرام ئاقسىل بار . ئۇندىن باشقا، تۇخۇم ، سۈت ۋە پۇرچاق ياسالمىلىرى تەركىبىدە ئاقسىل بار ، بۇنداق ھېسابلىغاندا ، ھەر كۈنى 4 سەردىن ئېشىپ كەتمەسلىكى كېرەك.

3. پىچەكگۈلنى كۆپرەك ئىستېمال قىلىش. پىچەكگۈل نۇرغۇن ئەزالارنى قۇۋۋەتلەيدۇ ، لېكىن يەنىلا بۆرەكنى ئاساس قىلىدۇ ، دائىم پىچەكگۈل يېگەندە ، بۆرەكتىكى زەھەرنى ھەيدەش رولى بولىدۇ.

4- جىگەر سېمىزلىكتىن قورقىدۇ

جىگەرنى ماي قاپلاش تەرەققىي قىلىپ ئېغىرلاشقاندا جىگەر راكىنى پەيدا قىلىدۇ

 

سېمىزلىك ئاسانلا جىگەرنى ماي قاپلاشنى كەلتۈرۈپ چىقىرىدۇ،  ئېغىر بولغاندا جىگەر تالالىشىشنى كەلتۈرۈپ چىقىرىدۇ ، داۋاملىقلىق تەرەققىي قىلغاندا جىگەر قېتىش ، جىگەر راكىنى كەلتۈرۈپ چىقىرىدۇ.

جىگەرنى ماي قاپلاشنىڭ ئورنىنى ۋىرۇسلۇق جىگەر ياللۇغى ئىگىلەپ ، ئېلىمىز ئاھالىلىرىنىڭ بىرىنچى چوڭ  جىگەر كېسەللىكىگە ئايلاندى. تەتقىقاتلاردىن مەلۇم بولۇشىچە ، سېمىز ئادەمنىڭ جىگىرىدىكى ئۆزگىرىشلەر ناھايىتى روشەن . ئوتتۇرىچە ئېيتقاندا، بەدەن سۈپىتى كۆرسەتكۈچ سانى ( BMI )ھەر 10 ئاشقاندا ، جىگەرنىڭ « يېشى » 3.3 يىل ئاشىدۇ.

 تەكلىپ:

1. يېمەك - ئىچمەككە كونترول قىلىشقا مۇۋاپىق ھەرىكەتنى قوشۇش ئورۇقلاشنىڭ ئەڭ ياخشى ئۇسۇلى.

2. ئۆزىنىڭ بەدەن ئېغىرلىقى ئۆلچەمدىن ئېشىپ كەتكەنلىكىنى بىلگەندىن كېيىن ، ئۈچ ۋاق تاماقنىڭ مۇۋاپىق بولۇشىغا كاپالەتلىك قىلىش ئاساسىدا ، يىمەكلىكنى تىزگىللەش پىلانىنى تۈزۈپ ۋە مۇكەممەللەشتۈرۈپ ، قەدەم باسقۇچقا بۆلۈپ ئېغىرلىقىنى كېمەيتىش كېرەك.

3.جىگەر بەدەندىكى ئەڭ چوڭ زەھەر تازىلاش ئەزاسى ،كۆپ قىسىم دورىلارنىڭ ھەممىسى جىگەر ئارقىلىق ئالمىشىدىغان بولغاچقا ، بۇنىڭدىن كېلىپ چىقىدىغان دورا مەنبەلىك جىگەر زەخىملىنىش يۈز بېرىش نىسبىتى ناھايىتى يۇقىرى . شۇڭا، دورا ئىشلەتكەندە ئۇنىڭدىن كېلىپ چىقىدىغان ناچار رېئاكسىيەگە دىققەت قىلىش كېرەك ، خالىغانچە ئۆز ئالدىغا دورا ئىشلىتىشتىن ساقلىنىش كېرەك.

5- قان تومۇر جىددىيلىكتىن قورقىدۇ

قان بېسىمىنىڭ تەۋرىنىشى چوڭ بولغاندا ، ئاسانلا تاسادىپىيلىق يۈز بېرىدۇ

قان تومۇر خۇددى بىر رېزىنكە سۇ تۇرۇبىسىغا ئوخشايدۇ ، ھەر قېتىم ھاۋا سوۋۇغان ۋاقىتتا ، كاۋچۇك چۈرۈكلىشىپ كېتىدۇ ، ئەگەر سۇ بېسىمى ئېشىپ كەتسە ، ئاسان يېرىلىدۇ ، بىزدىكى قان - تۇمۇرلار ئۈچۈنمۇ شۇنداق بولىدۇ .

ئۇندىن باشقا، قان تومۇر ئەسلىدىنلا ، « سوغۇقتىن تارىيىپ ، ئىسسىقتىن كەڭرىش» قانۇنىيىتىگە ئىگە بولۇپ ، يازدىكى ئىسسىقتا قان تومۇرلار كېڭىيىپ ، قىشتىكى سوغۇقتا قان بېسىمى تۆۋەنلەيدۇ.

ھاۋا كىلىماتى ئۆزگەرگەندە قان بېسىمىنىڭ تەۋرىنىش خاراكتېرلىك ئاشىدۇ ، مېڭىگە قان چۈشۈش ، مېڭە تىقىلمىسى قاتارلىقلارنى كەلتۈرۈپ چىقىرىپ ئۆلۈش نىسبىتى ئېشىپ كېتىدۇ.بولۇپمۇ ئوتتۇرا ياش ۋە ياشانغانلاردا ، قان تومۇر ئېلاستىكىلىقى ئەسلىدىنلا ياشلاردىن ناچار بولىدۇ ، شۇڭا مېڭە قاناش قاتارلىق تاسادىپىيلىقنىڭ پەيدا بولۇش نىسبىتى تېخىمۇ يۇقىرى بولىدۇ.

 تەكلىپ:

1. بالدۇر ئارام ئېلىپ، ئاز تۈنەش ، چۈنكى تۈن بويى تۈنىگەندە ، پەقەت ئۆزىنىلا ئەمەس ، يۈرەك مېڭە قان تۇمۇرلارنىڭ بىيولوگىيەلىك سائىتى قالايمىقانلىشىپ ، بەدەندە زىيادە ئادرېنالىن ۋە نورئادرېنالىن كەلتۈرۈپ چىقىرىپ ، قان تومۇر تارىيىش ، قاننىڭ ئېقىشى ئاستىلاش ، قاننىڭ يېپىشقاقلىق دەرىجىسىنىڭ ئارتىشىنى پەيدا قىلىدۇ.

2. قان تومۇر تازىلايدىغان يېمەكلىكلەرنى يەپ بېرىش

دولانا، سۇلۇ، ( قارا ) قېرىنقۇلاق، سېرىق ئاپېلسىن، پىدىگەن، تاتلىقياڭيۇ، سامساق،

پىياز قاتارلىق بۇ 8 يېمەكلىكلەر قان تومۇرلارنى ئېچىپ، تومۇرلار دىۋارىنىڭ ئېلاستىكلىقىنى ساقلايدۇ.

6- ئۈچەي قىسىۋېلىشتىن قورقىدۇ

زىيانلىق ماددىلارنى قايتا قوبۇل قىلىش

چوڭ تەرەتنىڭ تەركىبىدە كۆپ مىقداردا باكتېرىيە ۋە توكسىن بار بولۇپ ، بەدەندە ئۇزۇن ۋاقىت تۇرۇپ قالسا بولمايدۇ ، نورمال ئادەم ھەر كۈنى بىر قېتىم چوڭ تەرەت قىلىشى كېرەك.

« ئاممىۋى رەقەم گېزىتى » دە ، تەرەتنى قىسىۋېلىش ناچار تۇرمۇش ئادىتى ، چوڭ تەرەت ۋاقتىدا سىرتقا چىقىرىپ تاشلانمقغاندا، سۇ ئۈچەي تەرىپىدىن تەكرار سۈمۈرۈلۈپ كېتىدۇ ، چوڭ تەرەت قۇرغاقلىشىپ چىقىرىش تەسلىشىدۇ.

تەرەت تەركىبىدىكى زەھەرلىك ماددىلارنىڭ بەدەنگە توپلىنىپ تۇرۇش ۋاقتى بەك ئۇزۇن بولۇپ كەتسە ، زىيانلىق ماددىلارنى ئۈچەي يوللىرى سۈمۈرۈپ ، روھسىزلىنىش ، باش قېيىش ماغدۇرسىزلىنىش ، ئىشتىھا تۇتۇلۇش قاتارلىق ئالامەتلەر كۆرۈلىدۇ ؛ ئېغىر بولغاندا ھەتتا ئۈچەي راك كېسىلىنى كەلتۈرۈپ چىقىرىدۇ .

 تەكلىپ:

1. چوڭ تەرەت قىلغاندا قىسىۋالماسلىق

ئەتىگەن ۋە ناشتىدىن كېيىنكى ۋاقىت چوڭ تەرەت قىلىش.ىڭ ياخشى پۇرسىتى ، بۇ چاغدا ھەرگىز چىداپ قىسىۋالماسلىق كېرەك. پەقەت قەرەللىك چوڭ تەرەت قىلىش ئادىتىنى يېتىلدۈرگەندە ، تەرەت قىلىش رېفلېكسى تەدرىجىي پەيدا بولۇپ شەرتلىك رېفلېكس بولىدۇ ، ئادەت پەيدا بولسا ۋاقتىدا تەرەت قىلغىلى بولىدۇ.

2. سۇنى ئىچىشنى ئۇنتۇپ قالماڭ

نۇرغۇن ئادەملەر سۇنى كۆپرەك ئىچىشنىڭ ئۈچەي يوللىرىنىڭ ساغلاملىقىغا ئالاقىدار ئىكەنلىكىنى ھېس قىلالمايدۇ . بەزىلەر ئالدىراش بولۇپ ھەتتا بىر يۇتۇم سۇ ئىچىش بىلەن كارى يوق ، گال قۇرۇپ چاپلىشىپ قالغاندا ئاندىن ئىستاكاننى قولىغا ئالىدۇ- دە،  بىر قورساق سۇ ئىچىۋېتىدۇ ، شۇنىڭ بىلەن بىر چۈشتىن كېيىن بىئارام بولۇپ چىقىرىدۇ. شۇڭا، ئۇسسىغاندا سۇ ئىچىشنى ئۇنتۇپ قالماڭ.

7. ئۆپكە ئىس تۈتەكلەردىن قورقىدۇ

تاماكا چەككۈچىلەرنىڭ گىرىپتار بولۇش خەۋپى يۇقىرى

ئۇزاق مۇددەت تاماكا چەككەن ، بەدەن ئۇزاق مۇددەت ئىككىلەمچى تۈتەك مۇھىتىدا تۇرۇش ، خىزمەت جەريانىدا ئۇزاق ۋاقىت ئىس - تۈتەك چاڭ - توزان قاتارلىقلار بىلەن ئۇچرىشىپ تۇرىدىغان ئۆپكە راكىغا گىرىپتار بوكۇش خەتىرى يۇقىرى كىشىلەر توپى . مېدىتسىنادا ئىشلىتىلىدىغان تاماكا چېكىش كۆرسەتكۈچى ئارقىلىق جۇغلانما تاماكا چېكىش مىقدارى بىلەن ئۆپكە راكىنىڭ مۇناسىۋىتىنى ئىپادىلەش ، تاماكا چېكىش كۆرسەتكۈچى = ھەر كۈنى چەككەن  تاماكا سانى × تاماكا چېكىش يىل سانى .

ئەگەر بىر تاماكا چەككۈچى ھەر كۈنى بىر قاپ تاماكا يەنى 20 تال تاماكا چەكسە ، ئۇدا تاماكىنى 20 يىل چەككەن بولسا ( بىر يىل 365 كۈن ) ھېسابلىنىدۇ ، دەل 7300 قاپ ، ئۇنداقتا ئۇنىڭ تاماكا چېكىش كۆرسەتكۈچى  20×20=400 ، تاماكا چېكىش خەتەر كۆرسەتكۈچى  400 دىن يۇقىرى بولىدۇ، ئۆپكە راكى بولۇش خەتىرى يۇقۇرى كىشىلەر توپى قاتارىغا كىرىدۇ.

 تەكلىپ:

1. قاچان تاماكا تاشلاش ھەممىسى كېچىككەنلىك ئەمەس ، ھازىردىن باشلاپ تاماكا تاشلاڭ.

2. ئۇندىن باشقا، يېنىدىكى ئائىلىسىدىكىلەر ئىككىلەمچى تاماكىنىڭ زىيىنىدىن يىراق تۇرۇشى كېرەك.

8- كۆز چارچاشتىن قورقىدۇ

كۆز چارچاش ، ئىچكى ئەزالار بىلەن چېتىشلىق

كۆز ھەقىقەتەنمۇ ئەڭ « نازۇك » ئەزا، چارچاشقا قارشىلىق جەھەتتە كۆز ئەڭ بەرداشلىق بېرەلمەيدۇ. جۇڭگو تېبابىتىدە « ھېرىش كۆزگە كىرىدۇ » دەيدىغان گەپ بار ، كۆز زىيادە چارچاش ، ھەم ئىچكى ئەزالارغا باغلىنىشلىق بولۇپ ، باش ئاغرىش ، ئۇيقۇسىزلىق ، بىئارام بولۇش ، كۆڭلى ئېلىشىش قاتارلىق چارچاش ئالامىتى بولىدۇ.

 تەكلىپ:

1. ئادەتتە كومپيۇتېر ، يان تېلېفون قاتارلىق ئېلېكتىرونلۇق مەھسۇلاتلارنى ئىشلەتكەندە ، ھەر 45 مىنۇتتا 10 مىنۇت ئەتراپىدا دەم ئېلىش كېرەك.

2. باش بارماقنى چىمداش

باش بارماقتا ئۈچ قوشنا پەللە بار بولۇپ ، ئايرىم - ئايرىم ھالدا مىڭ كۆز ئۇۋىسى ، چۈلۈك پەللىسى ۋە چوڭ قۇرۇق سۆڭەك ئۆڭكۈرى  .

بىر قولنىڭ باش ۋە كۆرسەتكۈچ بارمىقى بىلەن يەنە بىر قولنىڭ باش بارمىقىنى قىسىپ تۇرۇپ ، تىرنىقى بىلەن بۇ ئۈچ پەللىنى غىدىقلاش ، سەل ئاغرىش ھېس قىلغىچە بېسىم سالمىقىنى ئاشۇرۇش ، بۇنى تەكرار 10 قېتىم ئىشلەش.

بۇ ئۇسۇلنىڭ مېڭىنى روھلاندۇرىدىغان ئۈنۈمى بار ، كۆز چارچاشنى تېز ئۈنۈمدە پەسەيتىش مەقسىتىگە يېتىدۇ .

9. قۇلاق سوغۇقتىن قورقىدۇ

ئېقىپ ئۆتىدىغان قان ئاز ، مىقدارى ئاز

قۇلاق سوغۇقتىن قورقىدىغان بىر ئەزا ، بۇ ئۇنىڭ « ئورۇق » بولۇشى بىلەن مۇناسىۋەتلىك. قۇلاق نېپىز تېرە ئاستىدىكى يۇمشاق ، ئاساسەن ھېچقانداق ماي يوق. ئۇندىن قالسا، قۇلاققا تارقالغان ئاخىرقى ئۇچ قىل قان تومۇردىن ، ئېقىپ ئۆتىدىغان قان ئاز ، ئېنېرگىيە ۋە ئىسسىقلىق مىقدارى ئاز . شۇڭا، سوغۇق شامال تەككەندە قۇلاق سەسكىنىپ كېتىدۇ.

قۇلاق بۇنچە سوغۇقتىن قورقىدىغان بولغاچقا ، توڭلاشتىن ساقلىنىش خىزمىتىنى ياخشى ئىشلىشى كېرەك ، بولۇپمۇ قۇلىقى ئاسان توڭلايدىغان ئادەم.

 تەكلىپ:

1.ھاۋا سوغۇق چاغدا ، ئىشىكتىن چىقىشتا قۇلاق قاپلىغۇچ ياكى پوسما  ، شارپا ئارقىلىق سوغۇقتىن ساقلانسا بولىدۇ.

2.بۇرنۇمنى تاشلىغاندا ، بىر تەرەپ بۇرۇن تۈشىكىنى ئىتىۋېلىش كېرەك ، يېنىك كۈچەپ يەنە بىر تەرەپنى تاشلاش ئارقىلىق ئوتتۇرا قۇلاق ياللۇغىنىڭ كېلىپ چىقىشىدىن ساقلىنىش كېرەك.

قان تومۇر جىددىيلىكتىن ، يۈرەك تۇزدىن ، ئۈچەي قىسىۋېلىشتىن قورقىدۇ … بەدەندىكى ھەر قايسى ئەزالارنىڭ قاتىلىنىڭ ھەممىسى يېنىمىزدا.

ياشانغان دوستلار ئۇنى ئېسىدە چىڭ ساقلىغاندا ، ھەر قايسى ئەزالارنىڭ زىيانغا  ئۇچرىشىدىن ئوڭۇشلۇق ئۆتۈپ ، ئاندىن ساغلاملىكقا كاپالەتلىك قىلغىلى ، ئۆمۈرنى ئۇزارتقىلى بولىدۇ ، دوستلارغا تەۋسىيە قىلىشنى ئونۇتماڭ !

bilimdan#   #bilimzar